هذي القصيده وجدتها في احد المنتديات واعجبتني جدا وجبتها لكم حتى تطلعون عليها
اليكم هالقصيده ياجماهيري’ وهي خطره
وخلوا هالرقابه تسجن الشاعر’ وجمهوره
هدوئن ايها الساده’ حضور الحفل والسهره
مساء الخير عالصاحي’ واشوف الناس مخموره
انا اسف على الازعاج’ ولكن طارت السكره
ذكرت اني قبل ساعات’ اصيل وعزوتي نوره
على فكره؟؟الكرفته عجزت افكها’ عسره
ابي واحد ينزلها’ او اي وحده ومشكوره
وابي ثوبي,,جيبولي ثوبي الاشهب’ مع الغتره
قبل والله لطربقها’ على هالحفل بحضوره
ولاواحد يتكلم’ قبل ماخلص النشره
ومن يحكي’ قسم بالله,, لاادوس برجلي حنجوره
تراها قفًلت؟؟ياساده بلادي وياستره
وهي مادامها خربت’ بقول الليله الثوره
انا بحكي من اول يوم’ جيت لدنيتن قذره
وتكرم عن قذارتها بيوت الله’ ومعموره
انا مولود’ في ليله شتاء,, مع بردها مطره
في خيمه وسط صحراء’’ مابها سستر ودكتوره
انا ياحضره الساده’ غريب,,وضاع من صغره
لعن جدي زماني’ بين مدهوره ومهجوره
حملت من الشقاء مالايطاق’ وجايكم ذكره؟؟
ولاني عاجز اتحمل’’اموت بنفس مقهوره
وانا ادري يذبح الرجال كثر الصبر في قهره
وعن قهر الرجال’’ المصطفى حذًر ومذكوره
وهم قالوا؟؟مفاتيح الفرج للحي في صبره
وانا شوف الصبر مفتاح ضاع’’وزاد طابوره
تعبت!!الملم ايامي بيدين الهم والحسره
تعبت!!المًع البرواز’وامسح غيره الصوره
تعبت!!ابوس كف’’الجوع وخشم الفقر طال عمره
تعبت!!اكذب على الحاجه’’واقول الحال ميسوره
تعبت!!احمس من القهوه’’واحط السمن والتمره
تعبت!!ودلتي وحده’’وكل شوي منثوره
احسب العز بالدله؟؟وبيت النذل بها عشره
دلاله اكثر الملعون ومليانه ومصطوره
انا بحكم البداوه’’انزرع في داخلي بذره
عن علوم المراجل الف بذره فيني مبذوره
تربينا~على الدين’’ونطيع الله مع شكره
تعلمنا~نصلي,,ونحفظ القران,,وكل سوره
تعلمنا~نحب الضيف,,وفينا هالكرم فطره
تعلمنا~نقول الصدق’لا لفه ولا دوره
تعلمنا~نحلب النوق’’ونعرف وشي البكره
تعلمنا~الضماء؟وحنــــــا بيدينا البير محفوره
تعلمنا~وكثير اللي تعلمناه وش كثره
اخذنا درس بالدنيا’’بلادفتر وسبوره
وانتم ياسكــــارى الحفل!!عفــــوا ايها الزمره
منهو فيكم؟؟عرف قهر الزمان وظلمه وجوره
منهو فيكم؟؟وطاه الجوع,وذله,وصفقه فقره
منهو فيكم؟؟عرف يحتاج للًقمه,ونشف زوره
منهو فيكم؟؟من الضيقه,حفر باصابعه قبره
منهو فيكم؟؟رقد ليله وسط اجساد مقبوره
منهو فيكم؟؟مشى حافي برمضن كنها الجمره
منهو فيكم؟؟سهر ليل الظلام بدون ابا جوره
منهو فيكم؟؟ماطاح الفين مره,وسلمت الجره
وانـــــــا من قبل اطيح’وجرتي بيديني مكسوره
لكم الماء,والوجه الحسن,والمال,والخضره
ولنــــــا حنا الضماء,والجوع,وفقر,وشيفتن عوره
ولا مره!!حظي ضحك بوجهي’واشكره مره
وغيري مبتسم حظه’’وكل ايامه مسروره
كتبت الشعر من صغري’وبيوتي مابها كسره
وانتم!!تبرزون اللي كتب بيتين مكسوره
انــــــــا ياحضره الساده!فقيرن مااغتنى بشعره
مادام المؤمس اللي تشري الاشعار؟؟مشهوره!
وانا ياحضره الساده!هنا الليله وعلى فكره؟؟
ترا هالبدله مسروقه’’ورجلي بجزمه محشوره
ولكن قلت ابحضر هالحفل’والعمر ابختصره
وابي ابدع معاكم,,وسط ليله انس ومحضوره
واذا كانت رجولتكم بكاسه تلج والخمره
انا بشرب بدون الكاس’’وثلجها الف قاروره
ابويه قال لي مره!!دسم شاربك بالغبره
ومايدري بالشنب محلوق؟؟وبندر فاقد شعوره
انا بمشي مادام الليل ودًع’وابتدى فجره
بروح ارد هاللبدله,على المعلاق مزروره
وانا ادري ياكلاب الحفل اني بالسجن بكره
مادام الليله جبت العيد بهذا الحفل وحضوره
الإثنين يونيو 01, 2009 5:59 am
